सूर्यदर्शन सहकारी प्रकरण : कुमार रम्तेल, भविश्वर अर्याल र प्रमोद भट्टराईलाई थुनामै राख्ने आदेश

पोखरा । पोखराको सूर्यदर्शन बचत तथा ऋण सहकारी संस्थाको ठगी मुद्दामा प्रतिवादीहरू कुमार रम्तेल, भविश्वर अर्याल र प्रमोद भट्टराईलाई पुर्पक्षका लागि थुनामै राख्ने आदेश भएको छ।

शुक्रबार कास्की जिल्ला अदालतका न्यायाधीश कृष्णजंग शाहको इजलासले उनीहरूलाई थुनामै पठाउने आदेश गरेको हो । तीनै जना प्रतिवादीहरू यसअघिको आदेशले करिब २ वर्षदेखि कारागारमै थिए ।