महिला स्वास्थ्य स्वयंसेविकालाई आठराई त्रिबेणीको विशेष प्रोत्साहन

ताप्लेजुङको आठराई त्रिबेणी गाउँपालिकाले महिला स्वास्थ्य स्वयंसेविकाहरूको मनोबल र सेवा प्रभावकारिता बढाउने उद्देश्यसहित प्रोत्साहन र सुविधाको दायरा विस्तार गरेको छ। गाउँपालिकाले संघीय सरकारले उपलब्ध गराउँदै आएको प्रोत्साहन रकम बराबर थप रकम स्थानीय स्रोतबाट उपलब्ध गराउने व्यवस्था लागू गरेको हो।

गाउँपालिका अध्यक्ष दीपेन्द्र पोमू (दीपेन) को पहलमा लागू गरिएको कार्यक्रमअन्तर्गत महिला स्वास्थ्य स्वयंसेविकाहरूले मासिक प्रोत्साहन भत्तामा दोब्बर लाभ प्राप्त गर्ने भएका छन्। संघीय सरकारले उपलब्ध गराउँदै आएको मासिक पाँच सय रुपैयाँ प्रोत्साहन रकममा गाउँपालिकाले शतप्रतिशत थप गर्दै आएको गाउँपालिकाको स्वास्थ्य शाखाले जनाएको छ।