कांग्रेसको अन्तिम गन्तव्य विभाजन!

काठमाडौँ- विगतमा पनि विभाजन र एकताबाट गुज्रिएको मुलुककै पुरानो दल नेपाली कांग्रेस यतिबेला फेरि विभाजनकै संघारमा पुगेको छ। मुलुकले बाढीको असह्य पीडा झेल्दै गर्दा कांग्रेस नेताहरू भने एकता, विभाजन र ध्रुवीकरणको हिसाबमा अल्झिएका छन्।

कांग्रेस संस्थापन (गगन थापा) र इतर (शशांक कोइराला) समूहले छुट्टाछुट्टै महाधिवेशनका कार्यतालिका सार्वजनिक गरेर विभाजनको दिशामा अगाडि बढेका हुन्। गगन पक्षले भदौ २४ गते वडा अधिवेशन गरेर महाधिवेशन प्रक्रिया थाल्न कार्यसूची ल्याएको छ।