बजेट, जग्गा र इच्छाशक्तिमा रुमलिएको टरिगाउँ विमानस्थल

दाङको टरिगाउँ विमानस्थल विस्तारको विषय फेरि चर्चामा आएको छ। वर्षौंदेखि चुनावी एजेन्डा बन्दै आएको यो आयोजना पछिल्लोपटक नेपाली कांग्रेसका नेता तथा पूर्वसांसद दीपक गिरीको अभिव्यक्तिपछि बहसको केन्द्रमा पुगेको हो।

केही दिनअघि आयोजित एक कार्यक्रममा गिरीले ‘यो विमानस्थल बन्दैन, जहाज चल्दैन’ भनेपछि उनको आलोचना भयो। तर उनको भनाइ विमानस्थल निर्माणको विरोध नभई सरकारले वर्षेनी विनियोजन गर्दै आएको न्यून बजेटप्रति लक्षित रहेको देखिन्छ। गिरीको तर्क थियो– हालको बजेट विनियोजनको शैली कायम रहेसम्म विमानस्थल विस्तार सम्पन्न हुन सक्दैन र ७२ सिटे जहाज सञ्चालन सम्भव हुँदैन।