भारतीय प्रधानमन्त्री मोदीले अर्को हप्ता इन्डोनेसिया, अस्ट्रेलिया र न्युजिल्यान्डको भ्रमण गर्ने

भारतीय प्रधानमन्त्री नरेन्द्र मोदीले अर्को हप्ता इन्डोनेसिया, अस्ट्रेलिया र न्युजिल्यान्डको भ्रमण गर्नुहुने भएको छ । नयाँ दिल्लीले क्षेत्रीय रणनीतिक सम्बन्धलाई मजबुत बनाउन खोजिरहेको समयमा मोदीले तीन देशको भ्रमण गर्न लागेको समाचार संस्था एएफपीले जनाएको छ ।

आउँदो बुधवार अर्थात् जुलाई ८ देखि ११ तारिखसम्म हुने यो भ्रमण मोदीको गएको वर्ष मार्चमा मौरिसस र गएकाे महिना सिसेल्सको भ्रमणपछि हुन लागेको हो । भारतको विदेश मन्त्रालयले यसलाई ‘एक्ट इस्ट’ नीतिअन्तर्गत पूर्वी समुद्री क्षेत्रमा कूटनीतिक ध्यान केन्द्रित गरेको रूपमा विश्लेषण गरेको छ ।