ग्यासकाे सङ्कट चुलिएपछि मुख्यमन्त्री शाहीले गरे सम्बद्ध निकायसँग छलफल

सुर्खेत। कर्णाली प्रदेशको राजधानी वीरेन्द्रनगरमा खाना पकाउने ग्यासकाे सङ्कट चुलिएपछि मुख्यमन्त्री मंगलबहादुर शाहीले सम्बद्ध निकायसँग छलफल गरेका छन्। सोमबार आयल निगमकाे सुर्खेतका अधिकारी, उपभोक्ता हित निर्देशनालयका अधिकारी र निजी क्षेत्रका अधिकारीहरूलाई बोलाएर उक्त विषयमा जानकारी लिएका हुन्।

आयल निगमका अधिकारीले विगत भन्दा खाना पकाउने ग्यासकाे आपूर्ति धेरै नै भएको रिपोर्ट सुनाएका थिए । उनीहरूका अनुसार, यसअघि पुस महिनासम्म २०-२२ हजारसम्म खाना पकाउने ग्यासकाे सिलिन्डर खपत हुने गरेका थिए।