वित्त आयोगले सरकारसँग माग्यो मानव विकास सूचकाङ्कको यथार्थ तथ्याङ्क

काठमाडौँ । राष्ट्रिय प्राकृतिक स्रोत तथा वित्त आयोगले मानव विकास सूचकाङ्कको यथार्थ तथ्याङ्क तत्काल उपलब्ध गराउन सरकारलाई ताकेता गरेको छ। शुक्रबार राष्ट्रिय सभा अन्तर्गतको विकास, आर्थिक मामिला तथा सुशासन समितिको बैठकमा बोल्दै आयोगका कार्यवाहक अध्यक्ष विपिनराज निरौलाले सरकारलाई यस्तो तथ्याङ्क उपलब्ध गराउन सचेत गराएका हुन्।

मानव विकास सूचकाङ्कको वास्तविक तथ्याङ्क प्राप्त हुन नसक्दा बजेटको बाँडफाँडमा समस्या देखिएको उनको स्पष्टीकरण थियो। कार्यवाहक अध्यक्ष निरौलाले सरकारले जनसङ्ख्या र भूगोलको आधारमा अनुदान दिने व्यवस्था गर्नुपर्ने भए पनि त्यसका लागि आवश्यक 'डाटा बैंक' को परिकल्पना अझैसम्म पूरा हुन नसकेको भन्दै गुनासो गरे।