बाढीपीडित नेपाललाई बंगलादेशको १५ करोड २० लाख सहयोग

बंगलादेश सरकारले उत्तरी नेपालमा आएको विनाशकारी बाढी तथा पहिरोबाट प्रभावित नागरिकको उद्धार, राहत र पुनःस्थापनाका लागि १ मिलियन अमेरिकी डलर (करिब १५ करोड २० लाख रुपैयाँ) सहयोग गर्ने भएको छ।

बंगलादेशका प्रधानमन्त्री तारिक रहमानको पत्रसहित राज्य विदेशमन्त्री हुमायुन कबिरले नेपालका लागि बंगलादेशी सहयोगबारे नेपाली राजदूत घनश्याम भण्डारीलाई जानकारी गराएका हुन्। सहयोग रकम नेपाल सरकारको प्रधानमन्त्री दैवी प्रकोप उद्धार कोषमा उपलब्ध गराइनेछ।