विनाशकारी बाढीको १०औँ दिन : हेलिकप्टरबाट यस्तो देखियो त्रिशूली किनारको द‌ृश्य

नुवाकोट। अहिले त्रिशूली नदीको बहाव साविकझैँ शान्त देखिन्छ । तर नदी जति शान्त देखिन्छ, यसको किनारको रूप भने त्यति नै कुरूप र उराठलाग्दो छ ।

१० दिनअघि अर्थात् भदौ १० गतेको विनाशकारी बाढीले बौलाएको त्रिशूलीले किनारका बस्ती, खेतीयोग्य जमिन, पुलदेखि सडकसम्म केही बाँकी राखेन। कैयौँ नागरिकले त्यही बाढीमा बगेर ज्यान गुमाए । कतिपयको अवस्था अझै अज्ञात छ।