हस्तान्तरण नहुँदै भासियो बुटवल-नारायणगढ सडक

१७ अर्ब बढी खर्च गरेर स्तरोन्नति गरिएको बुटवल–नारायणगढ सडक नेपाल सरकारसमक्ष हस्तान्तरण नहुँदै भासिएको छ। सडक विभागका उच्च कर्मचारीहरूले राष्ट्रिय सतर्कता केन्द्रसँग त्यस सडकको गुणस्तर परीक्षण गर्न अनुरोध गरेका छन्।

सडक हस्तान्तरण नहुँदै ठाउँठाउँमा समस्या उत्पन्न भएपछि सडकको गुणस्तर तथा सरकारी पक्षबाट भएको अनुगमन तथा प्राविधिक परीक्षणप्रति नै प्रश्न उठेको छ। यद्यपि हस्तान्तरण नहुँदै सडक भासिएकाले त्यसको मर्मत गर्ने काम ठेकेदार कम्पनीकै हुने भएकाले यसमा राज्यलाई घाटा नपर्ने सडक विभागक उच्च कर्मचारीहरू बताउँछन्।