सेरेना–भेनस विलियम्स फेरि कोर्टमा, सिनसिनाटी ओपनमा वाइल्डकार्ड

टेनिसकी चर्चित दिदीबहिनी सेरेना र भेनस विलियम्सले सिनसिनाटी ओपनको महिला डबल्समा वाइल्डकार्ड इन्ट्री पाएका छन्। प्रतियोगिता अगस्ट ११ देखि २३ सम्म अमेरिकाको ओहायोमा हुँदैछ।

४४ वर्षीया सेरेना र ४६ वर्षीया भेनसले सन् २०२२ को अमेरिकी खुला प्रतियोगितापछि पहिलोपटक सँगै डबल्स खेल्न लागेका हुन्।दुवै दिदीबहिनीले यसै वर्षको विम्बल्डनमा पनि सँगै खेल्ने तयारी गरेका थिए। तर एकलतर्फको पुनरागमन खेलमा अस्ट्रेलियाकी माया जोइन्टसँग पराजित भएपछि सेरेनाको घुँडामा चोट लाग्दा योजना रोकिएको थियो।