भत्ता १० रुपैयाँ, सदनबाटै सांसद पक्राउ : प्रजातन्त्रपछिको ‘संसद’का १० रोचक पक्ष

७ फागुन २००७ सालमा नेपालमा राणा सत्ता ढल्यो । प्रजातन्त्र आयो । उसो त सात सालको क्रान्तिपछिको सरकारका प्रधानमन्त्री पनि अन्तिम राणाा प्रधानमन्त्री मोहन शमशेर नै थिए । तर, उनको शक्ति राणाकालको जस्तो थिएन । उनलाई ‘चेक’ दिने गृहमन्त्री बीपी कोइरालालगायतका नेपाली कांग्रेसका मन्त्रीहरू थिए ।

प्रजातन्त्र आएको एक वर्षपछि नेपालमा तत्कालीन समयको विधायिकाको काम गर्न संसद जस्तै काम गर्ने ‘सल्लाहकारसभा’ बनाइयो । यस्ता सल्लाहकारसभा २००८ सालबाट पहिलो आमनिर्वाचन हुने साल २०१५ सम्ममा तीनवटा बने । तीन सल्लाहकारसभामा पहिलोको युग राजा त्रिभुवनको थियो भने बाँकी दुईवटामा युवराज तथा पछि राजाको रूपमा महेन्द्र हावी भएका थिए ।