राष्ट्र बैंकमा तीन जना डेपुटी गभर्नर बनाउनुपर्छ : सांसद  खड्का

काठमाडौं । राष्ट्रिय स्वतन्त्र पार्टी (रास्वपा)का सांसद सुशील खड्काले नेपाल राष्ट्र बैंकमा तीन जना डेपुटी गभर्नर राख्नुपर्ने बताएका छन्। साथै, उनले राष्ट्र बैंकको सञ्चालक समिति सात सदस्यीय बनाउनुपर्ने धारणा राखेका छन्।

मंगलबार प्रतिनिधिसभाअन्तर्गतको अर्थ समितिमा नेपाल राष्ट्र बैंक ऐन, २०५८ संशोधन गर्न बनेको विधेयकमाथिको छलफलमा बोल्दै उनले सञ्चालक समितिमा राष्ट्र बैंकबाट तीन जना, बाहिरबाट चार जना र अर्थसचिवको प्रतिनिधित्व हुनुपर्ने बताए।