हवाई भाडा ८८० रुपैयाँसम्मले महँगियो, अब कहाँ जान कति लाग्छ ?

काठमाडौं । नेपाल आयल निगमले सोमबार (१८ साउन)देखि लागू हुने गरी प्रतिलिटर हवाई इन्धनको मूल्यमा २० रुपैयाँले बढाएसँगै आन्तरिक वायुसेवा कम्पनीले पनि इन्धन शुल्कवापत हवाई भाडा बढाएका छन् ।

वायुसेवा कम्पनीहरुले इन्धनको शुल्क बढाउँदा यात्रुले हवाई टिकटमा भाडासँगै जोडेर यो शुल्क तिर्नुपर्ने हुन्छ । आयल निगमलाई बुझाउने इन्धनको शुल्क वापतको रकम हवाई टिकटमै जोडिएको हुनाले हरेक पटक आयल निगमले इन्धनको मूल्य समायोजन गर्दा हवाई यात्रुको टिकेटमै उक्त शुल्क जोड्ने र घट्ने गरेको छ ।