आज ज्योति, भोलि हामी (फोटोफिचर)

स्वास्थ्यकर्मी तथा नर्सिङ समुदायले अनसनरत स्टाफ नर्स ज्योति रानाभाटप्रति ऐक्यबद्धता जनाउन तथा उनका जायज मागहरूको शीघ्र र सार्थक सम्बोधनको माग गर्दै वीर अस्पताल परिसरमा प्रदर्शन गरिरहेका छन्।

साउन १४ गतेदेखि नर्सको न्यूनतम पारिश्रमिक, श्रम शोषणको अन्त्य लगायतका १५ बुँदे माग राख्दै अनसनमा बसेकी नर्स ज्योति रानाभाटको समर्थन र अनसनप्रति ऐक्यबद्धता जनाउँदै काठमाडौं उपत्यकाका नर्सले प्रदर्शन गरेका हुन्। ज्योति रानाभाटले उठाएका जायज माग पूरा गर्न आग्रह गर्दै अनसनको छैठौं दिनमा अरू नर्सले पनि ऐक्यबद्धता जनाउँदै वीर अस्पतालमा प्लेकार्डसहित प्रदर्शन गरेका हुन्।