मुन्दडाको घरमा छापा- मोरङका एसपीलाई सोधियो २४ घण्टे स्पष्टीकरण

काठमाडौं । विराटनगरका प्रतिष्ठित व्यवसायी बेनी गोपाल मुन्दडाको घरमा ५ घण्टासम्म छापा मारेर केही नभेटी फर्किएको प्रकरणमा मोरङका प्रहरी प्रमुख कवित कटवाललाई २४ घण्टे स्पष्टीकरण मागेको छ ।

प्रदेश प्रहरी कार्यालयले मोरङका एसपी कटवालाई ९ बुँदे प्रश्नसहित स्पष्टीकरण मागेको हो । जिम्मेवारीमा लापरबाही,अधिकारको अनुचित प्रयोग,निर्णय प्रक्रियामा त्रुटि, व्यवसायिक आचरणजस्ता विषयमा प्रष्ट पार्न भन्दै प्रधान कायालयका एसएसपी योगेन्द्रसिंह थापाले हस्ताक्षर गरेर स्पष्टीकरणको पत्र पठाएका हुन् ।