ट्रम्पको नयाँ आयात शुल्कविरुद्ध अमेरिकाका २५ राज्य अदालत पुगे

वासिङ्टन । अमेरिकी राष्ट्रपति डोनाल्ड ट्रम्प प्रशासनले करिब ६० देशमाथि लगाएको नयाँ आयात शुल्कविरुद्ध अमेरिकाका २५ राज्यले अन्तर्राष्ट्रिय व्यापार अदालतमा मुद्दा दायर गरेका छन्। ती राज्यहरूले शुल्क कानुनी अधिकारभन्दा बाहिर गएर लगाइएको, संघीय कानुनविपरीत रहेको र त्यसको आर्थिक भार अन्ततः अमेरिकी उपभोक्ता तथा व्यवसायले व्यहोर्नुपर्ने दाबी गरेका छन्।

क्यालिफोर्नियाका महान्यायाधिवक्ता रोब बोन्टाको नेतृत्वमा एरिजोना र ओरेगनसहितका राज्यहरूले दायर गरेको मुद्दामा सन् १९७४ को ‘ट्रेड एक्ट’को धारा ३०१ अन्तर्गत गरिएको अनुसन्धान र त्यसका आधारमा लगाइएको शुल्क कानुनी मापदण्डअनुसार नभएको उल्लेख गरिएको छ।