ग्यासको ‘सिलिन्डर म्यापिङ’ सुरु गर्न सरकारलाई समितिको निर्देशन

काठमाडौं । प्रतिनिधिसभाअन्तर्गतको उद्योग तथा वाणिज्य र श्रम तथा उपभोक्ता हित समितिले तत्काल एलपी ग्यासको ‘सिलिन्डर म्यापिङ’ सुरु गर्न सरकारलाई निर्देशन दिएको छ ।

मंगलबार (साउन १९) सिंहदरबारमा बसेको समिति बैठकबाट मागभन्दा बढी ग्यास आयात गरिँदा पनि बजारमा अभाव देखिएको भन्दै तत्काल ‘सिलिन्डर म्यापिङ’ सुरु गर्न आयल निगमलाई निर्देशन दिइएको हो ।