इथियोपियामा मठमाथि भूस्खलन, १४ जनाको मृत्यु

आदिस अबाबा, १९ साउन। इथियोपियाको उत्तरी अम्हारा क्षेत्रमा रहेको एक अर्थोडक्स मठमाथि भारी वर्षापछि आएको भूस्खलन हुँदा प्रार्थनामा सहभागी १४ जनाको मृत्यु भएको छ भने पाँच जना घाइते भएका छन् । स्थानीय धार्मिक अधिकारीहरूले मृतकको सङ्ख्या अन्तिम भएको बताएका छन् ।

डायोसिस प्रमुख मेगाबे हादिस नेका तिबेब अबाबूका अनुसार राजधानी आदिस अबाबाबाट करिब २०० किलोमिटर उत्तरपूर्वमा पर्ने सेला डिङ्गे क्षेत्रमा सोमबार बिहान रातभर परेको मुसलधारे वर्षा, चट्याङ र गर्जनपछि भूस्खलन भएको हो ।