१७ जिल्लामा आकस्मिक बाढीको मध्यम जोखिम

काठमाडौँ । जल तथा मौसम विज्ञान विभाग अन्तर्गतको बाढी पूर्वानुमान महाशाखाले देशभरका विभिन्न साना नदीहरूमा आकस्मिक बाढीको जोखिम रहेको जनाएको छ।

महाशाखाले आज बिहान जारी गरेको बुलेटिन अनुसार कोशी, नारायणी, बागमती, कर्णाली, महाकाली र यिनका सहायक नदीहरूको बहाव भने अहिले सतर्कता तहभन्दा तलै छ। यसैगरी कन्काई, कमला, बबई, पूर्वी राप्ती र पश्चिम राप्ती नदीको अवस्था पनि सामान्य रहेको महाशाखाले उल्लेख गरेको छ।