साकेलामा श्रमदानबाट विद्यालय संरक्षण अभियान सुरु

खोटाङ । खोटाङको साकेला गाउँपालिकाले पहिरोका कारण जोखिममा परेको विद्यालय संरक्षणमा जुटेको छ । वर्षा याममा बाँझेच्यानडाँडाको डाँडागाउँस्थित सरस्वती आधारभूत विद्यालयको पर्खाल भत्किदा विद्यालय जोखिमपूर्ण अवस्थामा पुगेको थियो ।

विद्यालय जोगाउन “साकेला श्रम अभियान” अन्तर्गत साउन १६ गतेदेखि श्रमदानबाट रिटेनिङवाल निर्माण कार्य सुरु गरिएको छ । बाँझेच्यानडाँडाका वडाध्यक्ष हेमन राईको संयोजन र गाउँपालिका अध्यक्ष रविप्रकाश राईको नेतृत्वमा सञ्चालित यस अभियानमा जनप्रतिनिधि, शिक्षक, अभिभावक र स्थानीयवासी सहित ७० भन्दा बढी व्यक्तिको सक्रिय सहभागिता रहेको छ ।