जोखिमपूर्ण भिरमा 'निम्सदाइ'को शव, ब्रोड पिकमा मौसम र भूगोल चुनौतीपूर्ण

कीर्तिमानी नेपाली आरोही निर्मल पुर्जा ‘निम्सदाइ’ सहित ब्रोड पिक हिमपहिरोमा ज्यान गुमाएका आरोहीहरूको शव संकलन अझै हुन सकेको छैन। विश्वको १२औँ अग्लो हिमाल ब्रोड पिक (८,०४७ मिटर) को क्याम्प–३ भन्दा तल गएको भीषण हिमपहिरोमा परी निम्सदाइसहित ६ नेपाली र अन्य विदेशी आरोहीको मृत्यु भएको पुष्टि भए पनि प्रतिकूल मौसम र कठिन भौगोलिक अवस्थाका कारण शव आधार शिविरसम्म ल्याउन ढिलाइ भएको हो।

उद्धारमा सबैभन्दा ठूलो चुनौती काराकोरम क्षेत्रको बिग्रँदो मौसम र जोखिमपूर्ण भूगोल बनेको छ। लगातारको हिमपात, तीव्र हावा र कम दृश्यताका कारण हेलिकप्टरबाट गरिने ‘लङलाइन’ उद्धार प्रविधि प्रयोग गर्न कठिन भइरहेको उद्धार टोलीले जनाएको छ।