गुन्डुमा ढल्ने पालो अब हिक्मत कार्कीको !

काठमाडौं । एमाले बागमती प्रदेश संसदीय दलका नेताबाट राजीनामा गर्न दबाब खेपिरहेका जगन्नाथ थपलिया सोमबार राति बोल्दाबोल्दै अध्यक्ष केपी शर्मा ओली निवास गुन्डुमा ढलेको समाचार आज मंगलबार भाइरल बन्यो । अब गुन्डुमा ढल्ने पालो कोशी प्रदेशका मुख्यमन्त्री हिक्मत कार्कीको भन्ने टिप्पर्णी एमालेभित्र हुन थालेको छ ।

हिजो सोमबार साँझ ७ बजेतिर अध्यक्ष केपी शर्मा ओली निवास गुन्डुमा बोलाइएका थपलियालाई मध्य रातसम्म राजीनामा गर्न दबाब दिइएको थियो । ‘पार्टीका अध्यक्ष, प्रदेश इन्चार्ज र अरु सांसदहरूले तपाईंले सक्नु हुन्न, छोड्नुस भनेपछि थपलिया ढलेको समाचार बाहिर आएको थियो । ५० वर्ष बढी कम्युनिष्ट आन्दोलनमा योगदान गरेका थपलिया आज कसरी अयोग्य भएँ भनेर बोल्दाबोल्दै बेहोस् भएका हुन् भनिएको छ ।