दुर्घटनापछि साथीको हत्या गर्ने व्यक्ति पक्राउ

बर्दियामा मोटरसाइकल दुर्घटनामा घाइते भएका साथीको हत्या गर्ने मोटरसाइकल चालक पक्राउ परेका छन्। पक्राउ पर्नेमा डोटीको शिखर नगरपालिका ४ तिनाडी स्थायी घर भई हाल बर्दियाको ठाकुरबाबा नगरपालिका ७ कालीगौडी बस्दै आएका २० वर्षीय गोविन्द जैसी रहेका छन्।

प्रहरीका अनुसार साउन १५ गते राति करिब २ बजे ठाकुरबाबा नगरपालिका ९ ठाकुरद्वाराबाट हात्तीसारतर्फ जाँदै गरेको लु प्र ००१–०१२ प ०८२५ नम्बरको मोटरसाइकल दुर्घटनामा परेको थियो। दुर्घटनामा चालक जैसी घाइते भएका थिए भने मोटरसाइकलको पछाडि सवार ठाकुरबाबा नगरपालिका ९ बेथहनी गाउँका २७ वर्षीय आसाराम थारु सम्पर्कविहीन भएका थिए।