जब संगीतले देश सम्झाउँछ!

सन् २०१६ को मध्यतिर एउटा जमघट भएको थियो, लाजिम्पाटको त्रिसरामा। त्यो माहौलमा हामी वरिष्ठ गायक दीप श्रेष्ठ दाइको साथमा थियौँ। साथमै थिए गायक दीपक थापा (विदेश जाने मायालु तिमीलाई….), भीम पुन (नेपथ्यका संस्थापक मध्ये एक), दिवाकर घले (अध्यक्ष महावीर क्लब), रविन्द्र पाण्डे (सञ्चारकर्मी) र म।

तर यो जमघट कुनै सांगीतिक कार्यक्रमका लागि थिएन। हङकङ निवासी भीम पुन नेपाल आउँदा उनैले मिलाएको पुनर्ताजगी थियो। एकै साथ संगीतज्ञहरू भेला भएपछि त्यो माहौल सांगीतिक नहुने त कुरै थिएन।