सुनसरी घटनामा कांग्रेसको प्रश्न : नागरिकको ज्यान जाने गरी गोली चलाउनुपर्ने अवस्था किन आयो ?

प्रमुख प्रतिपक्षी दल नेपाली कांग्रेसले सुनसरीसहित मधेसका जिल्लामा भएको धार्मिक तनावका क्रममा प्रहरीले नागरिकको ज्यान जाने गरी गोली चलाउनुपर्ने अवस्था किन सिर्जना भयो भन्नेबारे सरकारसँग जवाफ माग गरेको छ।

मंगलबार प्रतिनिधि सभाको बैठकमा कांग्रेस संसदीय दलका नेता भीष्मराज आङ्देम्बेले घटनाबारे सरकारको चित्तबुझ्दो स्पष्टीकरण आवश्यक रहेको भन्दै यसको जिम्मेवारी पनि सरकारले लिनुपर्ने बताए।