एन्फामाथिको निलम्बन फुकुवा गर्न फिफासँग संवाद जारी छ : मन्त्री पोखरेल

काठमाडौं। शिक्षा तथा खेलकुदमन्त्री सस्मित पोखरेलले अखिल नेपाल फुटबल संघ (एन्फा) माथि अन्तर्राष्ट्रिय फुटबल महासंघ (फिफा) ले लगाएको निलम्बन हटाउन सरकार सक्रियरूपमा पहल गरिरहेको बताएका छन्। उनले फिफासँग निरन्तर संवाद भइरहेकाले निकट भविष्यमा सकारात्मक निकास निस्कने विश्वास व्यक्त गरे।

मंगलबार सञ्चारकर्मीसँगको अन्तरक्रियामा मन्त्री पोखरेलले सरकार निष्क्रिय बसेको भन्ने धारणा सही नभएको उल्लेख गर्दै मन्त्रालयको तर्फबाट फिफासँग नियमित इमेल तथा अन्य माध्यमबाट सम्पर्क भइरहेको जानकारी दिए।