प्रतिनिधिसभामा स्वास्थ्यमन्त्री निशा मेहताको जवाफ : सर्पदंशको खोप १ हजार २६९ भाइल मौज्दात

काठमाडौं – स्वास्थ्य तथा खाद्य स्वच्छता मन्त्री निशा मेहताले स्वास्थ्य सेवालाई थप सुलभ, प्रभावकारी र गुणस्तरीय बनाउन सरकार उच्च प्राथमिकताका साथ अघि बढिरहेको बताएकी छन् ।

स्वास्थ्य तथा खाद्य स्वच्छता मन्त्रालयसँग सम्बन्धित विषयमा प्रतिनिधिसभामा सांसदहरूले उठाएका प्रश्नको जवाफ दिँदै मन्त्री मेहताले स्वास्थ्य सेवा सुधार, आकस्मिक उपचार, सर्पदंश तथा रेबिजविरुद्धको खोप आपूर्ति, स्वास्थ्य बीमा सुधार र रोग नियन्त्रणका क्षेत्रमा सरकारले काम गरिरहेको जानकारी दिइन्।