के रोटी बाफिएर हैरान हुनुहुन्छ ? डब्बामा दुईवटा चम्चा राख्नुहोस्, पाउनुहुन्छ गज्जबको फाइदा

काठमाडौं– तातो रोटी डिब्बामा राखेको केही समयमै चिसो, भिजेको वा चिपचिपे हुने समस्या धेरै घरमा देखिन्छ। रोटीबाट निस्किएको बाफ डिब्बाको ढक्कनमा जमेर पानीका थोपा बन्ने र ती थोपा पुनः रोटीमाथि खस्दा यसको स्वाद, बनावट र गुणस्तरमा असर पर्छ।

यही समस्याबाट बच्नका लागि एउटा सरल र खर्चरहित घरेलु उपाय उपयोगी हुन सक्छ। रोटी राखेपछि त्यसको माथि दुईवटा स्टिलका काँटा–चम्चा (फोर्क) क्रस (X) आकारमा राखिदिँदा रोटी लामो समयसम्म नरम, ताजा र स्वादिलो रहन मद्दत मिल्छ ।