एक सिलिन्डर ग्यास पाउन चारघण्टाको पर्खाइ

पोखरामा दुईसातादेखि ग्यास अभाव छ। उपभोक्ताले ग्यास नपाउँदा सास्ती खेपिरहेका छन्। नियमित भन्दा केही घटेर ग्यास आपूर्ति भएकोले वितरणमा थोरै कमी भएपनि अहिले नै अभाव हुन नहुने ग्यास उद्योगीको दावी छ। तर, उपभोक्ताले भने ग्यास पाउन नसकेर सास्ती खेपेका छन्। एक सिलिन्डर ग्यास पाउनका लागि चारघन्टासम्म पालो कुर्नुपरेको पनि उपभोक्ताको भनाई छ।

स्थानीय प्रशासनले ग्यास आपूर्ति सहज बनाउन, बाहिरबाट आपूर्ति गर्ने उद्योगीलाई पोखराका लागि सिलिन्डर संख्या बढाइदिन आग्रह पनि गरेको छ। त्यत्ति मात्र नभई उद्योगले वितरण गर्नका लागि डिलरकहाँ पठाएको ग्यास उपभोक्तासम्म सहजै पुगोस भनेर प्रहरी नै परिचालन समेत गरेको स्थानीय प्रशासनको भनाई छ।