केएमसी दुवाकोटमा पहिलोपटक जटिल ब्रेन एभीएमको सफल उपचार, घिमिरेले पाए नयाँ जीवन

काठमाडौं । दोलखाका ४२ वर्षीय सवारी चालक मनोज घिमिरेले मस्तिष्कको जटिल रोगलाई जितेर नयाँ जीवन पाएका छन्। पेसाले सवारी चालक रहेका घिमिरे एकाएक शरीरमा अनौठो र गम्भीर रोग देखिएपछि जीवनको कठिन मोडमा पुगेका थिए।

टाउको टोक्ने, काम्ने र बेलाबेलामा बेहोस हुने समस्या बढेपछि उनले अनेकौँ अस्पताल धाए, सयौँ उपाय अपनाए। तर केही अस्पतालका चिकित्सकहरूले ‘एउटा नसा फुटिसकेको छ, अर्को पनि फुट्न सक्छ’ भन्दै तर्साएपछि उनको परिवारमा रुवाबासी चल्यो।