प्रतिभा रावलको गुनासो : सुकुम्वासीलाई लालपूर्जा दिन स्थानीय सरकारले असहयोग गरे (भिडिओ)

काठमाडौं । भूमिसुधार मन्त्री प्रतिभा रावलले सुकुम्वासीलाई जग्गाको लालपूर्जा दिने प्रक्रियामा स्थानीय तहबाट असहयोग भएको गुनासो गरेकी छन् । उनले आज संसद बैठकमा बोल्दै काठमाडौंमा यही कारणले प्रक्रिया अवरुद्ध बनेको दावी गरिन् ।

प्रमुख प्रतिपक्षी दल नेपाली कांग्रेसका संसदीय दलका नेता भीष्मराज आङ्देम्बेले भूमिहीन सुकुम्वासीको समस्याका सम्बन्धमा जरुरी सार्वजनिक महत्वको प्रस्ताव दर्ता गरेका थिए । यसमा जवाफ दिँदै मन्त्री रावलले सरकारले यो समस्याको समाधानमा गम्भीर भएर लागिरहेको बताइन् ।