जबरजस्ती करणी आरोपमा युवतीसहित तीन जना पक्राउ

मोरङको लेटाङस्थित एक होटलमा २१ वर्षीया युवतीमाथि जबरजस्ती करणी गरेको आरोपमा तीन जानलाई प्रहरीले पक्राउ गरेको छ । घटनामा संलग्न भएको आरोपमा एक जना युवती र दुई जना पुरुष पक्राउ परेका हुन् ।

सुन्दरहरैँचा नगरपालिका–१० का ३८ वर्षीय डम्बर खतिवडा, विराटनगर–५ का २५ वर्षीया सोनुमा लिम्बू र केराबारी गाउँपालिका–८ का ५० वर्षीय कमलबहादुर आले मगरलाई पक्राउ गरेको मोरङ प्रहरीका प्रवक्ता डिएसपी मकेन्द्रकुमार मिश्रले जानकारी दिए । उनका अनुसार पक्राउ परेकामध्ये डम्बर खतिवडाले जबरजस्ती करणी गरेको र अन्य दुई घटना घटाउन सहयोगीको भूमिका खेलको प्रारम्भिक अनुसन्धानबाट खुलेको छ ।