नेपाल लिकर्सका सिइओ तुलाधर सिङ्गापुरमा 'सिइओ अफ द इयर' बाट सम्मानित

नेपाल लिकर्स प्रा. लि. का प्रमुख कार्यकारी अधिकृत (CEO) श्री अभनिश वीर सिंह तुलाधर सिङ्गापुरमा सम्पन्न "एशिया बिजनेस लिडर्स अवार्ड्स" मा प्रतिष्ठित "सीईओ अफ द इयर" (CEO of the Year) अवार्डबाट सम्मानित हुनुभएको सहर्ष जानकारी गराउँदछौँ ।

यो सफलता नेपाल लिकर्सका लागि मात्र नभई समग्र नेपाली कर्पोरेट क्षेत्रका लागि नै एक ऐतिहासिक उपलब्धि हो, जसले अन्तर्राष्ट्रिय मञ्चमा नेपाली नेतृत्वको क्षमतालाई उजागर गरेको छ । "एशिया बिजनेस लिडर्स अवार्ड्स" ले प्रत्येक वर्ष एसिया क्षेत्रका उत्कृष्ट व्यवसायीहरूलाई उनीहरूको नेतृत्व, रणनीतिक नवप्रवर्तन र सम्बन्धित उद्योगहरूमा पुर्‍याएको रूपान्तरणकारी योगदानको कदर गर्दै सम्मानित गर्दै आएको छ ।