कर्णाली प्रदेश निर्माण व्यवसायी महासंघको अध्यक्षमा बम निर्वाचित

वीरेन्द्रनगर : कर्णाली प्रदेश निर्माण व्यवसायी महासंघको अध्यक्षमा युवा निर्माण व्यवसायी मानव बम निर्वाचित भएका छन्। महासंघको सातौँ वार्षिक साधारणसभा तथा तेस्रो अधिवेशनबाट बम सर्वसम्मतिले अध्यक्षमा निर्वाचित भएका हुन्।

उपाध्यक्षमा तुलराज शाही, सचिवमा नवीनकुमार थापा, कोषाध्यक्षमा मनोजकुमार सिंह, सहकोषाध्यक्षमा शिमिला खड्का, सदस्यहरूमा मनबहादुर चँदारा, ठानबहादुर भण्डारी, रतनबहादुर शाही, खड्गबहादुर शाही र ध्वजबहादुर शाही चयन भएका छन्। महासंघको वरिष्ठ उपाध्यक्ष र महासचिव पहिलो बैठकबाट मनोनीत गर्ने सहमतिअनुसार वरिष्ठ उपाध्यक्षमा प्रदीप खड्का र महासचिवमा भरत डाँगी मनोनीत गरिने भएको छ।