अस्ट्रेलियाविरुद्ध इजिप्टको ऐतिहासिक जित प्यालेस्टाइनलाई समर्पित गरे

डालास । इजिप्टका मुख्य प्रशिक्षक होसाम हसनले अस्ट्रेलियामाथि विश्वकपको नकआउट चरणमा हासिल गरेको ऐतिहासिक जित प्यालेस्टिनी जनताप्रति समर्पित गरेका छन्। इजिप्टको यो जितसँगै सम्पूर्ण अरब विश्वका साथै प्यालेस्टाइनमा पनि रातभर उत्सव मनाइयो।

शुक्रबार डलास स्टेडियममा भएको राउन्ड अफ ३२ को प्रतिस्पर्धात्मक खेलमा अतिरिक्त समयसम्म १–१ को बराबरी भएपछि इजिप्टले पेनाल्टी सुटआउटमा अस्ट्रेलियालाई ४–२ ले पराजित गर्‍यो। यससँगै इजिप्टले आफ्नो इतिहासकै पहिलो विश्वकप नकआउट जित दर्ता गर्दै अन्तिम १६ मा स्थान सुरक्षित गरेको छ।