थाइल्यान्डमा ११ वर्षीय बालकले पिकअप ट्रक कुदाउँदा १० बौद्ध भिक्षुको मृत्यु

काठमाडौं । थाइल्यान्डको मुकदाहन सहरमा बिहीबार ११ वर्षीय बालकले चलाएको पिकअप ट्रकले ठक्कर दिँदा कम्तीमा १० जना बौद्ध भिक्षुको मृत्यु भएको छ । १० जना गम्भीर घाइते भएका छन् ।

प्रहरीका अनुसार ती बालकले आफ्ना आमाबुबाको अनुमतिबिना नै पिकअप ट्रक लिएर घरबाट निस्किएका थिए । करिब १० किलोमिटर गाडी चलाएपछि उनले सवारी साधनमाथिको नियन्त्रण गुमाए र तीर्थयात्रामा निस्किएका भिक्षुहरूको जुलुसलाई ठक्कर दिएका थिए ।