स्मार्ट चश्मा ल्याउँदै गूगल, के छन् विशेषताहरू ?

प्रविधि क्षेत्रको दिग्गज कम्पनी गूगलले १० वर्षअघिको ‘गूगल ग्लास’ को असफलतालाई बिर्साउने गरी नयाँ स्मार्ट चश्मा सार्वजनिक गर्ने तयारी गरेको छ। कम्पनीले आफ्नो वार्षिक विकासकर्ता सम्मेलनमा नयाँ पुस्ताको स्मार्ट चश्माको झलक प्रस्तुत गरेको हो।

आगामी शरद ऋतुबाट बिक्री सुरु हुने यो चश्मामा गूगलको अत्याधुनिक आर्टिफिसियल इन्टेलिजेन्स प्रणाली ‘जेमिनी’ जडान गरिएको छ।