‘अपरेसन थिएटरमा बिरामी सुतिरहेको बेला मलाई उसको परिवारको याद आउँछ’

काठमाडौँ । एक सर्जन (शल्य चिकित्सक)को मनमा बिरामीको शल्यक्रिया गर्नुअघि के-कस्ता कुरा खेल्छन् होला ?

रातोपाटी पडकास्ट ‘टक फर्वार्ड’मा सुरूमै यही प्रश्न सोधिँदा सोही दिनको बिहानै मात्रै करिब सय जना बिरामीको अवस्था बुझेर परामर्श दिएर आएका र अघिल्लो दिन केही बिरामीको शल्यक्रिया गरेका प्रा. डा. राजीव झा केहीबेर गम्भीर भए । किनकि सामान्यजस्तो लाग्ने यो प्रश्नको अन्तर्यलाई निकै गहिराइमा लिए वरिष्ठ स्नायु, नसा तथा मेरूदण्ड रोग विशेषज्ञ प्रा. डा. झाले ।