सलमान खानको चलचित्र ‘मातृभूमि’ माथि रोक!

केन्द्रीय चलचित्र प्रमाणन बोर्ड (सेन्सर)ले अभिनेता सलमान खान अभिनित चलचित्र ‘मातृभूमि’ लाई अर्को आदेश नआएसम्म प्रमाणपत्र नदिने निर्णय गरेको छ। यो फिल्म सन् २०२० मा भारत र चीनका सैनिकबीच गलवान उपत्यकामा भएको सैन्य झडपमा आधारित छ।

यसअघि फिल्मको नाम ‘बैटल अफ गलवान’ राखिएको थियो। फिल्म सुरुमा अप्रिल १७ मा ईदको अवसरमा प्रदर्शन गर्ने योजना थियो, तर पछि यसको प्रदर्शन मिति अगस्टमा सारिएको थियो। सेन्सर बोर्डको निर्णयका कारण अब अगस्टमा पनि फिल्म प्रदर्शन हुने सम्भावना अनिश्चित बनेको छ।