बाजुरा र हुम्लाको सीमा विवाद : गोपाल हमालको टोली पुग्दा झडप, प्रहरीसहित पाँच जना घाइते

बाजुरा : बाजुराको हिमाली गाउँपालिका-३ लाम्पाटामा सीमा विवाद र अस्थायी प्रहरी चौकी निर्माणको विषयलाई लिएर भएको झडपमा परी जनप्रतिनिधि र प्रहरीसहित पाँच जना घाइते भएका छन्।

सुदूरपश्चिम प्रदेश सरकारको मातहतमा निर्माण हुन लागेको प्रहरी चौकीको विषयमा हुम्लाका स्थानीयले अवरोध गरेपछि स्थिति तनावपूर्ण बनेको हो।