हुम्लाको नेप्का गाउँमा बाढीले विद्यालयदेखि गोठ र भेडाबाख्रा पुरिए

सुर्खेत । हुम्लाको नेप्का भन्ने गाउँमा गएराति बाढीका कारण विद्यालयदेखि गोठहरू र भेडाबाख्रा पुरिएको विवरण आएको छ । चंखेली गाउँपालिका—५ मा पर्ने उक्त नेप्का गाउँमा गएराति परेको भीषण वर्षाका कारण ठुलो धनमालको क्षति भएको हो । जिल्ला प्रहरी कार्यालय हुम्लाका प्रहरी प्रमुख, प्रहरी नायव उपरीक्षक शंकर खड्काले गएराति पौने ११ बजेतिर भारी वर्षाका कारण बाढी आएको रातोपाटीलाई बताए ।

‘यो सदरमुकामबाट निकै टाढा र मुगु जिल्लासँग सिमाना जोडिएको उक्त विकट गाउँ हो,’ उनले भने, ‘बाढीले स्थानीय एउटा विद्यालय, भेडा बाख्राका गोठहरू र खेतीयोग्य जमिन पुरिएको कुरा आएको छ ।’ साथै, प्रारम्भिक जानकारी अनुसार १–२ वटा घरमा पनि क्षति पुगेको उनले बताए ।