मलेसियाविरुद्ध महिला टीमको कठिन जित, ६८ रनको लक्ष्य पछ्याउन ८ विकेट खपत

काठमाडौं । मलेसियाविरुद्धको पहिलो टी २० म्याचमा नेपाली महिला टोलीले २ विकेटको कठिन जित हात पारेको छ । मलेसियाको बुयनास ओभलमा आयोजित म्याचमा ६८ रनको झिनो लक्ष्य भेट्टाउन पनि नेपाली ब्याटरहरुले कडा संघर्ष गर्नुपरेको थियो ।

नेपालकी ओपनर सम्झना खड्काबाहेक कसैले पनि विकेटमा टिक्ने धैर्यता देखाएनन् । सम्झनाले पनि अन्त्यतिर धैर्यता गुमाइन् । नेपाललाई जितका लागि ७ रन बाँकी छँदा आठौं विकेटका रुपमा उनी आउट भएपछि खेल रोमाञ्चक बनेको थियो । सम्झानाले ३९ बलमा ३२ रन जोडेकी थिइन् ।