प्रचण्डले भने- अन्तिम क्रमभङ्गका लागि तयार रहनुस्

नेपाली कम्युनिस्ट पार्टीका संयोजक एवम् पूर्वप्रधानमन्त्री पुष्पकमल दाहाल ‘प्रचण्ड’ ले आगामी महाधिवेशनमार्फत आफूले राजनीतिक जीवनकै अन्तिम ‘क्रमभङ्ग’ गर्ने बताएका छन्।

विराटनगरमा शुक्रबार आयोजित कोशी प्रदेश कमिटीको एकता बैठक तथा प्रशिक्षण कार्यक्रमलाई सम्बोधन गर्दै उनले आफ्नो क्रान्तिकारी स्वभाव अनुसार फेरि एकपटक नयाँ मोड लिने तयारी भइरहेको बताएका हुन्।