सरकारको १०० दिनमा स्वास्थ्य मन्त्रालय : डिजिटल अस्पतालदेखि नि:शुल्क उपचार पोर्टलसम्म

काठमाडौं । वर्तमान सरकारले कार्यभार सम्हालेको सय दिन पूरा गर्दा स्वास्थ्य तथा जनसंख्या मन्त्रालयले स्वास्थ्य सेवामा सुधार ल्याउने उद्देश्यले अघि सारिएका अधिकांश कार्यक्रम कार्यान्वयनको चरणमा पुगेको दाबी गरेको छ ।

डिजिटल स्वास्थ्य प्रणालीदेखि अस्पताल सेवा सुधार, नि:शुल्क उपचार, जलन उपचार सेवा र आपत्कालीन हेलिकोप्टर उद्धारसम्मका योजनालाई मन्त्रालयले आफ्नो सय दिने उपलब्धिका रूपमा प्रस्तुत गरेको छ ।