लाभांश प्रस्ताव पारित गर्दै सकियो सानिमा जिआईसीको साधारणसभा

सानिमा जिआईसी इन्स्योरेन्स लिमिटेडको ८ औँ वार्षिक साधारणसभा लाभांश प्रस्ताव पारित गर्दै सकिएको छ । बुधबार काठमाडौंको नेपाल पुलिस क्लब, प्रदर्शनीमार्गमा आयोजना गरिएको साधारणसभाले ५ प्रतिशत बोनश सेयर र ०.२६३२ प्रतिशत नगद लाभांश प्रस्ताव पारित गरेको हो ।

सोअनुसार कम्पनीले १० करोड ७५ लाख रुपैयाँ बराबरको बोनस सेयर र कर प्रयोजनका लागि ५६ लाख ५७ हजार ८९५ रुपैयाँ नगद लाभांश पारित गरेको हो । त्यस्तै सभाले सञ्चालक समितिको तर्फबाट अध्यक्षले प्रस्तुत गर्ने वार्षिक प्रतिवेदन, आर्थिक वर्ष २०८१/०८२ को लेखापरीक्षण प्रतिवेदन, असार मसान्तसम्मको वासलात, नाफा–नोक्सान हिसाब, नगद प्रवाह विवरण तथा सम्बन्धित अनुसूचीहरू अनुमोदन गरेको छ ।