सञ्चार मन्त्रीको १०० दिन : करिब ७ हजार राहदानी र १ हजार बढी सवारी चालक अनुमति पत्र घरमा पुराइयो

सूचना तथा सञ्चार मन्त्रालयले करिब ७ हजार राहदानी र १ हजार बढी सवारी चालक अनुमति पत्र हुलाकमार्फत् सेवाग्राहीको घरमा पुराइएको जनाएको छ । सञ्चार मन्त्री डा.विक्रम तिमिल्सिनाले सरकार गठन भएको एक सय दिनको अवसरमा आफूले गरेको कामको प्रगति विवरण सार्वजनिक गर्दै राहदानी र सवारी चालक नागरिकको घरघरमा पुराइएको बताएका छन् । उनले एक सय दिनमा नागरिकहरु लाभान्वित हुने धेरै काम गरेको बताएका छन् ।

प्रगति विवरणअनुसार हालसम्म २ लाख ७८ हजार ३४ थान राहदानी जिल्ला प्रशासन कार्यालयहरूमा ढुवानी गरिएको छ। त्यसमध्ये ७५ जिल्लाका जिल्ला प्रशासन कार्यालयसँग सम्झौता भइसकेको छ भने ६ हजार २९३ थान राहदानी सेवाग्राहीको घरदैलोमै वितरण गरिएको छ। हुम्ला र भोजपुर जिल्लामा भने सेवा विस्तारका लागि छलफल भइरहेको जनाइएको छ।