इशान किशन चम्किँदा सनराइजर्स हैदराबादको सानदार जित, राजस्थान ५७ रनले पराजित

काठमाडौँ । इन्डियन प्रिमियर लिग २०२६ अन्तर्गत सोमबार भएको खेलमा सनराइजर्स हैदराबादले राजस्थान रोयल्सलाई ५७ रनको फराकिलो अन्तरले पराजित गरेको छ। हैदराबादले प्रस्तुत गरेको २१७ रनको विशाल लक्ष्य पछ्याएको राजस्थान १९ ओभरमा १५९ रनमा समेटियो ।

टस हारेर पहिले ब्याटिङ गरेको हैदराबादले निर्धारित २० ओभरमा ६ विकेट गुमाएर २१६ रन बनाएको थियो । हैदराबादका लागि ओपनर इशान किशनले विस्फोटक ब्याटिङ गर्दै मात्र ४४ बलमा ९१ रनको उत्कृष्ट पारी खेले । उनलाई हेनरिच क्लासेनले २६ बलमा ४० रन र नितिश कुमार रेड्डीले १३ बलमा २८ रन बनाउँदै राम्रो साथ दिएका थिए । राजस्थानका लागि जोफ्रा आर्चरले २ तथा रियान पराग र सन्दीप शर्माले एक–एक विकेट लिए ।