संवैधानिक इजालसमा बहुमतको निर्णय, सरकारलाई ट्रेड यूनियन खारेजीको बाटो खुल्यो

काठमाडौं । निजामती कर्मचारीको आधिकारिक ट्रेड युनियन खारेजविरुद्धको रिटमा सर्वोच्च अदालतको संवैधानिक इजलास दोस्रो पटक विभाजित भएको छ। यो मुद्दाको सुनुवाइका लागि प्रधानन्यायाधीश डा मनोजकुमार शर्माले यसअघिको विधि मिच्दै न्यायाधीश छानेर संवैधानिक इजलास गठन गरेका थिए।

वरिष्ठताक्रम अनुसारका शीर्ष तीन न्यायाधीशलाई बाहिर राखेर गठन गरिएको संवैधानिक इजलासले पनि तीन दिनको सुनुवाइपछि बहुमतबाट निर्णय सुनाएको छ। प्रधानन्यायाधीश शर्मा, न्यायाधीशहरू नहकुल सुवेदी, विनोद शर्मा, अब्दुल अजिज मुसलमान र महेश शर्मा पौडेल यो मुद्दाको सुनुवाइ गर्ने संवैधानिक इजलासमा थिए।