एक महिनापछि कर्णाली सरकार लयमा

सुर्खेत । कर्णाली प्रदेश सरकारले झन्डै एक महिनापछि पूर्णता पाएको छ । मुख्यमन्त्री मंगलबहादुर शाहीले बिहीबार नेपाली कम्युनिस्ट पार्टी (नेकपा) बाट तीन मन्त्री थप गरेपछि प्रदेश मन्त्रिपरिषद् सात सदस्यीय बनेको हो ।

मुख्यमन्त्री शाहीले रुकुम पश्चिमकी मिलन खड्का रोकालाई भौतिक पूर्वाधार तथा सहरी विकासमन्त्री, सोही जिल्लाकी कल्याणी खड्कालाई उद्योग, पर्यटन, वन तथा वातावरणमन्त्री र हुम्लाकी जुम्कित लामालाई भूमि, व्यवस्था, कृषि तथा सहकारीमन्त्री नियुक्त गरेका छन् । तीनै जना मुख्यमन्त्री शाही नेतृत्वको नेकपाबाट समानुपातिक निर्वाचन प्रणालीमार्फत प्रदेशसभा सदस्य निर्वाचित भएका हुन् ।